من طرف جِــدُّو المُــرْشِــد
جدو المُرشد عنده كتاتنى
عنده جماعه من الاخوان
عنده كمان واحد متغطى
عنده كمان واحد عريان
جِــدُّو المُــرْشِــد
عَنده برنس عنده بَـركه
عنده كُوتش لِأجمل حركه
تَحيا غزه تَحيا الحَسَكـَه
عَاش نَصر الله تَحيا ايران
جِــدُّو المُــرْشِــد
جدو المُرشد راجل سُكَّر
جدو المرشد و الله يُشكر
فى الحكم عُمْره ما فَكَّـر
جدو المرشد أجمل انسان
جِــدُّو المُــرْشِــد
جِـدُّو المرشد عَنـدُه مُرسـى
حاجه كِبـِيره مَالْيَـه الكُرسـى
عاش التوك توك عاش التاكسى
عـاش الميكروبـاص .. كمان
جِــدُّو المُــرْشِــد
جدو المرشد جدو بديـع
راجل طيِّب شهم وديـع
عنده صبحى عنده سبيـع
و بِلْطَاجـى نبعْ حَنـان
جِــدُّو المُــرْشِــد
جدو المرشد عنده ياسين
و الفرقه خمسه و تسعين
و عنده كمان ناس تانين
صبر عزيمه قوه ايمـان
جِــدُّو المُــرْشِــد
جدو المرشد ناس ظالمينه
بالباطل دايمـا تاهمينـه
جدو المرشد الله يعينـه
مصر معاه مصر أمـان
جِــدُّو المُــرْشِــد
جدو المرشد أروع جد
كل ما يبنى الشعب يِهِدّْ
شعب شاطر بس يِعِـدّْ
عدد القتلى فى كل ميدانْ
جِــدُّو المُــرْشِــد
جِـدُّو المرشد ماله و مالكوا
جدو بيرشد فى شعوب غيركوا
ابعدوا عنه كونوا فى حالكـوا
لا تروحوا سُفَـرَا للفاتيكـان
للشاعر / رضا عبدالعزيز محمد
ت/01006395604
