يا جماعه الجماعه
يا جماعه الجماعه
لا هى بُعْبُعْ ولا فزَّاعهْ
ولا الشاطر بألف شاطر
ولا ملك للبراعه
الحكايه يا حسيس
ازاى بس الرئيس
المرشد عليه رئيس
من الجمعه للخميس
و له فروض الطاعه
مفيش أحسن م الوضوح
ليه فصلتوا أبو الفتوح
كنتوا سبتوا الباب مفتوح
ولا اكمنُّه شقى و أنزُوووح
اتكشفتوا فـ ربع ساعه
المصرى شاطر يا أخ
عمره ما كان طرمخ
صعب يقع فـ الفخ
بسهوله يعدِّل أوضاعَهْ
يا جماعه كانت محظوره
مش بس الملعب مقصورهْ
للتانيه والتالته ضروره
من غيرهم تِسّوَدْ الصوره
و الشعب يكره الكوره
و الكاميرا و صوت الاذاعه
يا جماعه هدفها التكويش
أحلى م الصدق مفيش
نظرتكم الشيش بيش
وضعتكم تحت الشواكيش
و الشعب رفع السَمَّاعهْ
m/01006395604